شعر صوره 4*6

السلااااااااام عليكم ورحمة الله وبركاته
جايبه لكم قصيده عجييبه ماراح اطول عليكم
اخليكم مع القصيدة

ثلاث اسنين وانا اخطط لهذا اليوم يابوسعود
تيسر حالي وجاهز اوفي وعدي بوقته
وفجاة جتني تتعذر تقول اتأخرت الوعود
وأنا مستغرب واسمع كأني وعدها خنته
حسبت انه تمازحني وتتصنع جفا واسلوب
ضحكت بوجهها من قلب معنها بايخة النكتة
وقالت ارضى بالواقع قلبي ماهو المعهود
تغير كل شي صوبك نصيبي ما اظن انته
كنت في يوم محبوبي لاكن ما اظن نعود
وصل من قبل ماتوصل وانا ذاك الصبر عفته
ولاكن تكفى صدقني ويشهد ربي المعبود
ترا ماخنتك بغفلة ولا كلمته وشفته
صراحة اهلي قالولي انه ولد اصل وجود
وجتني امه بالصورة وبكلمات المدح اخته
سكت وقلت هي فرصة مدام الجود في الموجود
وقالو كل من حولي علامات الرضا سكته
وأنا فكرت دام امه واخته ماعليهم زود
اكيد اني براضيهم اذا وافقت واخترته
وأراضي اهلي واخواني مدام انه الفرح مقصود
عطيت الناس انا كلمة ومعاهم وقتي حددته
ولا اقدر اغيرها ترا عند العرب منقود
اوافق واعتذر باجر واقول الراي غيرته
تبي تشرحلي المنقود
تصدق عاد يابو سعود
تبيني اقتنع وارضى بحالن عمري ماعشته
أنا ماني بقايلها عسا يفرش ثراها ورود
بعد ماحطمت قلبي
وطعم الموت جربته
عسا بفستانها اشواك وبثوبه عقارب سود
ونارن تحرق الكوشة وتحرق بيتهم حتى
وموت بليلة الدخلة يبرد حرتي يا كود
ولاحس انه بحضنه يلامس خد لامسته
علي اهون اذا ماتو ولا بنفس السرير رقود
ترا صعبن علي اتخيل اللي ماتخيلته
عسا قاع الثرا يقسى ويتحول صخر جلمود
وحفار القبر يرفض يسوي فوق مقدرته
ترا دفنت عديل الذات تلوع حتى جبد الدود
ومن خان الوعود ومات تعافه حتى مقبرته
عسا ربي يجازيهم بحبلن من مسد ممدود
يعلقهم من اطرافه وفوقه نارن ومن تحته
انا ماني حقود وشين ولاني من نسل نمرود
ومن حطه نفسه بوضعي يقول اللي انا قلته
دام الفعل له ردة فعل والله ابشري بردود
ابدعي دامني حي وبغرس لبد عانبته
وبسقيها نزيف القلب ودمعن مارحم الخدود
ويكبر والثمر ثاري من اللي خانني وصنته
انا نذرن علي اكتب وافجر هالقصيد رعود
واسمع كل بشر صوتي عجبته ولا زعلته
واردد للي يسمعني اذا حبيت حط حدود
انا حبيت دون حدود وشوف اللي تكبته
ثلاث اسنين وانا أبني وجت صورة بكل برود
خذت مني شقا عمري وحلم قلت حققته
ثلاث اسنين انا اخطط لهذا اليوم يابوسعود
وتوافق من كلام اخته وصورة 4ف6

اتمنى انها تعجبكم
وسوري ما اعرف اسم الشاعر
انتظر الردود